Oruc tutan insan bu xəstəliklərdən qorunmuş olur - ABŞ alimlərinin araşdırması

23-04-2022, 11:08. Yazar: Xeberaz

Beylor tibb kolecinin (ABŞ) alimləri Ramazan ayı zamanı tutulan orucla bağlı xüsusi araşdırma aparıblar.
Araşdırma zamanı alimlər belə nəticəyə gəliblər ki, oruc insan sağlamlığına çox müsbət təsir edir və bir çox ağır xəstəliklərin riskini azaldır.
Alimlər 30 gün ərzində 14 "oruc tutan" sağlam insana nəzarət edirdilər. Bu insanlar 15 saat ərzində qida və maye qəbul etmirdilər. İştirakçılar müəyyən fasilələrlə analiz üçün qan verirdilər.
Araşdırmanın nəticələri medicalxpress.com-da dərc olunub.
Alimlər sübut edir ki, oruc tutmaq piylənmə, şəkərli diabet, metabolik sindrom və qaraciyər piylənməsinin riskini xeyli azaldır.