Oruc halında ağrıkəsici dərman həbi qəbul edən adamın orucu pozulurmu?Cavab: Ramazanda qəsdən hər hansı maddəni boğazdan keçirib udmaq orucu batil edər. İstər bu, adi yemək olsun, istər dərman, istərsə də yeyilməyən maddə. Hətta ağrı hiss ediləndə məcbur qalıb ağrıkəsici həb udmaq da orucu pozar. Qeyd edək ki, ağrını kəsmək üçün həb şəklində dərman qəbul etmək vacib deyil. Bunu ağrıkəsici iynə ilə də əvəz etmək olar. Oruclu şəxsin bədəninə iynə vurdurması icazəlidir və bu zaman oruc pozulmaz. Amma qida xarakterli ampulalar (sistem) istisnadır.