"Aşkı-memnu" serialında Nihal obrazı ilə məşhurlaşan Hazal Kaya Bakıya gəlib.
O, "Park cinema" kinoteatrında təşkil olunan "Benden ne olur?" filminin qala gecəsində iştirak edib.
Onlar kinoteatrda izdihamla qarşılanıb. Tanınmışlar bildirib ki, Bakıda gəzmək imkanları az olub.
"Çox xoşbəxt və həyəcanlıyıq. Görək, filmimiz tamaşaçılar tərəfindən necə qarşılanacaq", - Nihal jurnalistlərə açıqlamasında söyləyib.
Tədbirdə H.Kaya ilə birlikdə həmin filmdə rol alan Enis Arıkan, Selin Şekerci də iştirak edib.
Enis Arıkan bildirib ki, Azərbaycana ilk səfəridir.
"Şəhəri çox az gəzdik. Dadlı yeməkləriniz var. Xəngəl yedim, dadına doymadım", - o söyləyib.