Lənkəranda evə hücum: 4 nəfər bıçaqlandı – VİDEO
14-08-2015, 14:08. Yazar: Xeberaz
Faktla bağlı araşdırma aparılır.
Lənkəranda quldurluq hadisəsi baş verib.
Xeberaz.az xəbər verir ki, APA TV-nin Cənub bürosunun məlumatına görə, hadisə ötən gecə şəhər ərazisində qeydə alınıb.
Adları hələlik açıqlanmayan şəxslər şəhər sakini 1967-ci il təvəllüdlü Firdovsi Mirzə oğlu Əhmədovun evinə basqın edərək, ona, oğlu, 22 yaşlı Qalib Əhmədzadəyə, qızı, 20 yaşlı Rəmziyyə Əhmədzadəyə və yeznəsi, Gəncə şəhər sakini, 1995-ci il təvəllüdlü Uğur Ələddin Oğlu Əliyevə bıçaqla müxtəlif dərəcəli bədən xəsarətləri yetiriblər.
Yaralıların dördü də dərhal Lənkəran Mərkəzi Rayon Xəstəxanasına yerləşdirilib. Onlara həkimlər tərəfindən zəruri tibbi yardımlar göstərilib. Vəziyyətləri stabildir.
Faktla bağlı araşdırma aparılır.
Geri dön