Hacı Surxay Zauru Şeyxlə bərabər Şuşaya necə aparıb? - AÇIQLAMA
15-07-2021, 14:09. Yazar: Xeberaz
Xəbər verdiyimiz kimi, iyulun 10-da Qafqaz Müsəlmanları İdarəsinin sədri Şeyxülislam Allahşükür Paşazadənin başçılığı ilə Azərbaycandakı dini konfessiyaların rəhbərləri Şuşaya səfər edib. Səfərdə aparıcı Zaur Baxşəliyev də iştirak edib. Aparıcının din xadimləri ilə səfərdə iştirak etməsi birmənalı qarşılanmayıb. Sosial şəbəkələrdə QMİ-nin bu addımı qınağa səbəb olub.
Məlumata görə, Z.Baxşəliyevin Şuşaya səfərini Qafqaz Müsəlmanları İdarəsinin (QMİ) İçərişəhər üzrə səlahiyyətli nümayəndəsi Hacı Surxay təşkil edib. O, aparıcının protokoldan kənar aparıb. Çünki, həmin səfərdə Z.Baxşəliyevdən başqa sosial xarakterləri veriliş aparıcılarından digərləri iştirak etməyib. Zaur Baxşəliyevin Şeyxlə bərabər Şuşa səfərində yer alması Hacı Surxayın telaparıcının verilişində daimi ekspert olması ilə əlaqələndirilib.
Məsələ ilə bağlı Manset.az Hacı Surxayla əlaqə saxlasa da o bu barədə danışmaq istəməyib.
Geri dön