44 yaşlı seksual ulduz: Aygün Kazımova (FOTO, VİDEO)
9-08-2015, 15:26. Yazar: Xeberaz
Xalq artisti Azərbaycanı "Eurovision"da təmsil edə bilər.
Xalq artisti Aygün Kazımova Azərbaycanı "Eurovision"da təmsil edə bilər. ANS PRESS-in məlumatına görə, "Eurovision" mahnı müsabiqəsi ilə bağlı xəbərlər hazırlayan wiwibloggs.com saytının keçirdiyi yeni sorğunun nəticəsi bunu deyir.
Sorguda hər ölkənin insanları bir məşhur ifaçının adını çəkib. Həmin ifaçının "Eurovision 2016"da ölkəsini təmsil edə biləcəyi iddiası irəli sürülüb. Saytın keçirdiyi bu sorğunun nəticələrinə görə, növbəti ilin mahnı yarışmasına ən yaxşı namizədin kimlərin ola biləcəyi müəyyənləşdirilir.
Sorğuda iştirak edən Zakariya adlı oxucu Aygün Kazımovanın Azərbaycan üçün ən yaxşı namizəd olduğunu yazıb:
"Bu 44 yaşlı seksual ulduz Azərbaycanın ən yaxşı pop ifaçılarındandır. O, müasir estrada musiqisinin banilərindən hesab edilir. Azərbaycanın ən yaxşı ulduzlarındandır. Musiqi karyerasına gənc yaşlarından başlayan müğənninin sinqlları, ən az 7 albomu var. Aygün Kazımova hətta 2012-ci ildə qadınlar arasında keçirilən FİFA U-17 dünya çempionatının himnini də səsləndirib. Bundan başqa, Aygün enerjili canlı konsertləri və eksentrik musiqi videoları üçün məşhurdur. Onun "Eurovision" təmsilçisi olmaq zamanı deyilmi?"
Saytda eyni zamanda Aygun Kazımovanın amerikalı reper Snup Doqla çəkdirdiyi klipi də yer alıb.
Geri dön