Oksana valideynlərinə görə ağladı – FOTO
12-03-2015, 00:02. Yazar: Xeberaz
“Nəslin ən böyük arzusu odur ki, Oksananın uşağı olsun".
Rəqqasə Oksana Rəsulova “Düzünü desək” verilişində qonaq olub.
Xeberaz.az xəbər verir ki, axşam.az-ın məlumatına görə, atası ilə anasının sevgisindən söz açan sənətçi göz yaşlarını saxlaya bilməyib:
“Anamla atamın sevgi hekayəsi möhtəşəm olub. Onlara həsəd aparmışam. Evləndikdən sonra 7 il anamın övladı olmayıb. Necə streslər yaşayıb... Ona yeganə dəstək olan şəxs atam imiş. Atamın qohumları onları ayırmağa çalışıb. Başqa xanım almaq istəyiblər. Razılaşmayıb ki, mənə belə rahatdır, övladsız da yaşayacam. Anamın babası yuxusuna girib deyib ki, qızın olacaq, adını Oksana qoy. Mən doğuldum, 7 il sonra qardaşım dünyaya gəlib”.
O.Rəsulova “Nəslin ən böyük arzusu odur ki, Oksananın uşağı olsun. Hər dəfə anam bu haqda danışanda deyirəm, hələ vaxtı yetişməyib. Hər şeyin bir zamanı var. Allah bilən məsləhətdir. Mən də zamanı gələndə ana olacam” deyə əlavə edib.
Geri dön