Mənzilini girov qoyanlar izləsin - Evsiz qala bilərsiz (VİDEO)
7-08-2015, 13:07. Yazar: Xeberaz
Böyük həcmli kredtiləri alarkən bunlara diqqət edin
Hörmətli oxucular, problemli kreditlər məsələsi artıq uzun müddətdir ki, aktualdır. Xüsusi ilə kredit müqabilində mənzilini girov qoyanların vəziyyəti daha acınacaqlı olur.
Kamran Rzayev kafe açmaq üçün bankdan 30 000 manat kredit götürür. Əvəzində isə mənzilini girov qoyur. 3 aydan sonra isə işlərinin heç də yaxşı getmədiyini görür.
Lakin uğurlu gələcək düşünərək , bu cür acınacaqlı vəziyyətə düşən təkcə qəhrəmanımız deyil. Əmlak Məsələləri Dövlət Komitəsinin məlumatına görə, bu ilin ilk 6 ayında Azərbaycanda bank əməliyyatları məqsədilə 19 534 daşınmaz əmlak girov qoyulub. Əmlakını girov qoyan vətəndaşların əksəriyyəti də sonradan iflasa uğrayaraq onların müsadirə edilməsi faktı ilə rastlaşıblar.
Bəs bu cür neqativ hallarla rastlaşmamaq üçün böyük həcmdə kredit götürüldüyü zaman, vətəndaşlar nəyə diqqət yetirməlidirlər? İqtisadçı ekspert Rəşad Həsənovun sözlərinə görə, biznes eşqində olan vətəndaşlar adətən kredit şərtlərinə lazımi əhəmiyyət vermirlər. Lakin bu halda kredit müqaviləsinə ciddi diqqət yetirilməlidir, xüsusi ilə əmlakın düzgün qiymətləndirilməsi amilinə.
Yəni əgər siz 30 min manat civarında kredit götürürsünüzsə , əvəzinə isə 75 min manatlıq mənzil girov qoyursunuzsa, o zaman əmlakınızın düzgün qiymətləndirilməsi, gələcəkdə ödənişlə bağlı problem yarandığı zaman , bu mənzilin doğru qiymətə satılaraq, ordan kreditin və faizlərinin məbləği çıxılaraq, qalan vəsaitı geri ala bilərsiniz. Qiymətləndirmə düzgün aparılmayanda isə əmlakınız dəyərindən aşağı qiymətə satılır və sizə heç bir vəsait qaytarılmır
Geri dön