2 yaşlı qızı atası maşında öldürdü - FOTO
27-07-2015, 18:17. Yazar: Xeberaz
Slovakiyanın Nitra şəhərində avtomobilin qapılarını bağlayaraq işə yollanan kişinin maşında unutduğu 2 yaşlı qızı keçinib.
Xeberaz.az Milli.Az-a istinadən bildirir ki, 56 yaşlı kişi qızı Kristinanı uşaq bağçasına aparmalı olsa da, bunu unudub. Yoldan keçənlərin çağırdıqları polislər maşının qapısını sındıranda isə uşaq artıq keçinmişdi.
"Uşaq maşında istidən boğulub. Havanın istiliyi +35 dərəcədir, maşının rəngi də qaradır. Maşın soba kimi qızmışdı", - polislər bildiriblər.
Polislər Kristinanın atasını hadisə yerinə çağıranda o, övladının cəsədini görüb və huşunu itirib. Az sonra Kristinanın anası da eyni vəziyyətə düşüb.
Valideynlərin hər ikisi indi psixiatr nəzarəti altındadır.
Geri dön