Atası azərbaycanlı, anası isə ukraynalı olan idmançı uzun illərdən sonra Bakıya gələcək. Nəbiyevanın gəlişinin məqsədi 16, 17 iyun tarixlərində master-klass keçirmək və Azərbaycanda pərəstişkarları ilə görüşməkdir. Bu barədə “Godzilla Group” instaqramda məlumat yayıb.
Xatırladaq ki, Bahar Nəbiyeva Bakıda anadan olub, sonra ailəsi ilə Ukraynaya köçüb. O, Dnepropetrovskdakı Alfred Nobel Universitetində təhsil alıb. Bahar sosial mediada "Miss dəmir omba" kimi tanınır. 2012-2013-cü illərdə o, pauerlinftinq üzrə universitetlərarası yarışlarda iştirak etmiş və birincilik qazanıb. 2015-ci ilin aprel ayında Nabiyeva Dnepr Kuboku yarışmasında fitnes-bikini kateqoriyasında 5-ci yeri tutub.
İnstaqramda 3 milyona yaxın izləyicisi olan Nəbiyevanı yalnız adi istifadəçilər deyil, dünya şöhrətli artistlər də izləyir.
