Xızıda yandırılan həkimin qatili tutuldu
24-07-2015, 12:59. Yazar: Xeberaz
Əliyev məktəb direktorunun oğludur.
Azərbaycanda bir müddət əvvəl baş verən qətl hadisəsinin üstü açılıb.
Xeberaz.az xəbər verir ki, hüquq-mühafizə orqanlarından APA-ya verilən məlumata görə, həyata keçirilən əməliyyat axtarış tədbirləri nəticəsində Bakı şəhər sakini Natəvan Əliyevanı öldürməkdə şübhəli bilinin keçmiş həyat yoldaşı Samir Səməndər oğlu Əliyev həbs olunub.
S.Əliyevə Cinayət Məcəlləsinin 120.2.4 (xüsusi amansızlıqla adam öldürmə) maddəsi ilə ittiham irəli sürülərək barəsində 2 ay müddətinə həbs qətimkan tədbiri seçilib.
Qeyd edək ki, Bakı şəhər sakini, 1981-ci il təvəllüdlü N. Əliyevanın yanmış cəsədi iyulun 8-də Xızı rayonunun Yeni Yaşma qəsəbəsinin ərazisində aşkar edilib.
Meyitə ilkin baxış zamanı N.Əliyevanın qətlə yetirildiyi məlum olub.
Polisdən N.Əliyevanın bu il iyun ayının 25-dən 26-na keçən gecə paytaxtın Xətai rayonunda itkin düşməsi barədə ərizə daxil olduğu bildirilib.
Qeyd edək ki, N.Əliyeva paytaxtda fəaliyyət göstərən xəstəxanaların birində həkim işləyib, üç övladı var.
Samir Əliyev isə Bakıdakı 191 saylı orta məktəbin direktoru Rəhimə Əliyevanın oğludur.
Geri dön