"Atanız evə gəlir", deyib məktəbdən evə göndərdik"-Şəhid Omarov övladları ilə
31-05-2019, 11:18. Yazar: Xeberaz
Dünən səhər saatlarında cəbhənin Ağdam rayonu istiqamətində düşmən tərəfindən açılan snayper atəşi nəticəsində şəhid olan Azərbaycan zabiti, 36 yaşlı mayor Aqil Omarov bu gün doğulduğu Qaxın Lələpaşa kəndində torpağa tapşırılacaq. Şəhidin iki oğlan övladı var.Qaxın Lələpaşa kənd orta məktəbindən verilən məlumata görə, Aqil Omarov Balakən rayonunda doğulub. Amma o, ailəsi ilə birlikdə Qaxın Lələpaşa kəndində yaşayıb.
Aqilin böyük oğlu Uğur 4-cü, Süphan Omarov isə Lələpaşa kənd orta məktəbin 2-ci sinif şagirdidir.
Məktəbin direktoru Elxan Bayramov bildirib ki, uşaqları “atanız evə gəlir” deyib məktəbdən evlərinə yola salmışıq. Onlarda sevinə-sevinə evlərinə gediblər. Heç biri atalarının şəhid olmasından xəbəri yoxdur".
(unikal.org)
Geri dön