Şanlıurfada ikinci şok
22-07-2015, 14:15. Yazar: Xeberaz
Şəhər valisi iki polisin başından güllələndiyi barədə məlumat verib.
Türkiyə Şanlıurfada törədilən terror hadisəsinin təsirindən çıxmamış ikinci xəbərlə sarsılıb. ANS PRESS-in Türkiyə mətbuatına istinadla verdiyi məlumata görə, Şanlıurfa valisi İzzettin Küçük iki polisin qətlə yetirildiyini açıqlayıb.
Onun sözlərinə görə, polislər Şanlıurfanın Ceylanpınar rayonunda eyni evdə qalıblar. Çevik POlis qüvvələrində çalışan iki şəxsin başından güllə ilə vurulmuş meyitləri qaldıqları evdə aşkarlanıb.
Vali bu qətlin hələlik terrorla bağlı olub-olmadığını müəyyən edilmədiyii deyib. "Hazırda polis araşdırma aparmaq üçün hadisə yerindədir".
Xatırladaq ki, iyul ayının 20-də Şanlıurfanın Suruç rayonunda, Amara mədəniyyət mərkəzinin qarşısında terror aktı törədilib. Bir kamikadze özünü gənclərin arasında partladıb. Hadisə nəticəsində 32 nəfər ölüb, ümumilikdə 100-ə yaxın insan yaralanıb.
Terror Bakı vaxtı ilə 13:50 Sosialist Gənclik Dərnəkləri Federasiyasının bir qrup üzvü adı çəkilən yerdəki çay bağçasında "Kobaninin yenidən inşaası" mövzusunda mətbuat konfransı keçirən zaman qeydə alınıb. Hadisəni 18 yaşlı İŞİD-çının törətdiyi ehtimal edilir.
Geri dön