11 yaşlı uşaqdan Şaxta Babaya ürəkağrıdan MƏKTUB

Masallı rayonu Bədalan kəndinin 11 yaşlı sakini Tufanın Şaxta Babaya yazdığı məktub hər kəsi kədərləndirib.
Azyaşlı Şaxta babaya qısa müddət ərzində valideynlərinin hər ikisini itirməsindən söhbət açıb.
“Şaxta baba, mən bu il çox kədərliyəm. Çünki atamdan sonra anamı da itirdim. Çox darıxıram. Bilirəm sən gətirə bilməzsən onları. Amma az da olsa, sevindirə bilərsən məni. Mən heç nə yazmıram. Sən nə istəsən gətirərsən”.
Tufanın məktubu sosial şəbəkədə böyük maraqla qarşılanıb və hər kəsi kövrəldib.