"İşıq yanmadığına görə qarşıdan gələn traktoru görməyib" - Qəzada ölən Vasifin dostu danışdı
5-12-2018, 15:08. Yazar: xeber
Xəbər verdiyimiz kimi, “Aqrolizinq”in Neftçala rayon bölməsinin müdiri Vaqif Qurbanovun oğlu ağır yol qəzasında həlak olub. 34 yaşlı Vasif nişanlı olub və bu həftə nişan mərasimi baş tutacaqmış.
Xəbəraz.Az xəbər verir ki,big.az-a açıqlama verən Vasif Qurbanovun dostu və sinif yoldaşı Anar Əhmədov bildirib ki, hadisə dünən axşam saat 7-də baş verib: “Vasifin idarə etdiyi "Niva" markalı avtomobil traktorla toqquşub. Traktorun işıqları yanmadığına görə Vasif qarşıdan gələn traktoru görməyib. Nəticədə bu ağır qəza baş verib. Vasifin 6-cı gün nişanı olacaqdı”.
Anar Əhmədov Vasifin yaxşı insan olduğunu vurğulayıb: “Kimsə ondan kömək istəsəydi cibində 5 manat da qalsa özü ac qalıb onu həmin şəxsə verərdi. Saf, təmiz ürəyə sahib insan idi. Onun aramızdan ayrılmasına hələ də inana bilmirəm”.
Geri dön