Ana Sayfa > Karusel / Maraqlı / M2 > Selfi psixi pozuntudur - Psixoloq qorxunc faktlar açıqladı

Selfi psixi pozuntudur - Psixoloq qorxunc faktlar açıqladı


3-12-2018, 13:37. Yazar: xeber



"Selfie" sözü tərcümədə "mən", "özüm" mənasını verir, lakin müasir həyatımızda bu sözlə özünün şəklini çəkmək kimi izah vermək olar.
Əlbəttə, insan öz şəklini çəkən zaman heç bir psixoloji patologiya nümayiş etdirmir. Lakin hər bir marağın bir dərəcəsi var ki, bir zaman normal sayılan, o biri dərəcədə artıq anormal sayılır.

Bunu psixoloq Aygün Cəfərova deyib.
Psixoloqun sözlərinə görə, bir müddətdən sonra insanda hər hansı problem müəyyən ola bilər, lakin artıq meyl pozuntusuna çevrildiyindən, şəkil çəkməyin dayandırılması cəhdləri uğursuzluqla sona çatır:
"Selfiemaniyanı bəzən narkomaniyaya bənzətmək olar: insan hər gün dozanı (şəkil sayını) daha çox artırmaq istəyir. Bir qrup alim bu xəsətəliyi narsisizm, digərləri isə meyl və adət pozuntularına aid edir ki, biz də bunu sırf meyl pozuntusu kimi qiymətləndiririk. Lakin sual yaranır ki, niyə məhz selfi, adi şəkil yox? Narsisizm mərhələsini hər bir insan inkişaf dövründə keçdiyi kimi, bizim instinktlər bazasında bu, özünü qoruma hissinin bir hissəsi kimi göstərə bilir".
A.Cəfərova qeyd edib ki, selfitisin üç səviyyəsi müəyyən edilib: "Birincisi, sərhəddə olanlar: Gündə ən az 3 dəfə selfi çəkənlər, amma hamısını sosial mediaya qoymayanlar. İkincisi, kəskin: Gündə ən az 3 selfi çəkib hər birini sosial mediaya qoyanlar. Üçüncüsüsü, xroniki: Selfi çəkmək üçün nəzarət edilə bilməyən bir istək duyan, həddən artıq selfi çəkən və gündə ən az 6 dəfə sosial mediada bölüşənlər. Bunun səbəblərinə özünəinam əskikliyi, diqqətçəkmə istəyi daxildir. Adətən bu vəziyyətdə selfitis olanlarda özünəinam əskikliyi olur və öz çevrələrində qəbul edilmə istəyi yaranır. Özünüqiymətləndirmənin aşağı olması da bura daxildir ki, öz imkanlarını aşağı qiymətləndirmə və özünü təsdiq etmək üçün selfi çəkənlər də mövcuddur".
Psixoloqun sözlərinə görə, selfidən müdafiə mexanizmi kimi istifadə edənlər də var: "Bu insanlar özlərini sosial mediada xoşbəxt, şən, pozitiv biri kimi qələmə vermək üçün bundan istifadə edirlər. Gün ərzində 5 selfi şəklini çəkib sosial şəbəkədə nümayiş etdirmək, SOS siqnalıdır. Bu xəstəliyin müalicəsi psixi pozuntular kimi kompleks yanaşma tələb edir. Medikamentoz müalicə ilə yanaşı, psixoterapiyanın müxtəlif növləri istifadə edilə bilər: psixoanaliz, CBT və rasional psixoterapiya. Ən əsası isə həyat tərzini dəyişmək, həyata yenikliklər qatmaq, daxili resurslarını tanımaqla insanı bu xəstəlikdən uzaqlaşdırmaq mümkündür".
(teleqraf.com)
Geri dön