Ana Sayfa > Karusel / Hadisə / Dünya > 81 yaşlı nənə evinə girən oğrunu öldürdü

81 yaşlı nənə evinə girən oğrunu öldürdü


26-10-2018, 11:56. Yazar: Xeberaz

Dənizli bölgəsində 81 yaşlı qadın oğurluq üçün evinə girən və ona hücum çəkən şəxsi tüfənglə vuraraq ağır yaralayıb.

Xeberaz.az Türkiyə mətbuatına istinadən xəbər verir ki, Kadir.A. adlı şəxs onunla eyni məhəllədə qalan, evində tək yaşayan 81 yaşlı Cennet Çakırın evinə pəncərəni sındıraraq daxil olub. Daha sonra o qadını döyüb və evdəki 10 ədəd Cumhuriyyət qızılını oğrularyaraq qaçmaq istəyib. Bu zaman qadın yastığının altında gizlətdiyi tüfəngi ilə Kadir.A-nın qarınına iki dəfə atəş açıb.

Hadisədən sonra yaralı şəkildə yaxınları ilə əlaqə saxlayan Kadir.A ailə üzvlərindən birinə məxsus avtomobillə məhəllədən çıxıb. Daha sonra təcili yardıma zəng edərək kömək istəyib. O xəstəxanaya çatdırılsa da həyatını xilas etmək mümkün olmayıb.

Hazırda qadının oğurlanan  qızılları tapılmayıb. Hadisə ilə bağlı polis araşdırma aparır.

Geri dön