Ana Sayfa > Karusel / Gündəm / Təhsil > Böyük summativ qiymətləndirmələr yalnız bu siniflərdə keçiriləcək - RƏSMİ
Böyük summativ qiymətləndirmələr yalnız bu siniflərdə keçiriləcək - RƏSMİ21-09-2018, 19:23. Yazar: Xeberaz |
"I sinifdə böyük summativ qiymətləndirmə ləğv olunub” Xeberaz.az xəbər verir ki, bunu Təhsil Tv-də yayımlanan "Həftənin sualı" verilişində Təhsil nazirliyinin sektor müdiri Vidadi Bağırov deyib. Onun sözlərinə görə, yeni qaydalara əsasən ümumi təhsil pilləsində hər səviyyənin sonunda böyük summativ qiymətləndirmə keçiriləcək: "I sinifdə böyük summativ qiymətləndirmə ümumiyyətlə ləğv olunub. IV, IX, XI siniflərdə isə bütün fənlərdən BSQ-lər keçiriləcək. II və III siniflərdə BSQ-lər ləğv olunaraq, yalnız kiçik summativ qiymətləndirilmələr tətbiq ediləcək. Kiçik summativ qiymətləndirmələr yarımildə 3 dənədən az olmayacaq. V, VI, VII, VIII və X siniflərdə buraxılış imtahanında hansı fənlər nəzərdə tutulubsa, yalnız o fənlərdən böyük summativ qiymətləndirmənin keçirilməsi nəzərdə tutulub. Kiçik summativ qiymətləndirmələrin sayı tədris ilinin əvvəlində şagirdlərə elan olunacaq". Geri dön |