Qarpızdan növbəti zəhərlənmə
11-07-2015, 19:23. Yazar: Xeberaz
Bu son üç gün ərzində baş verən ikinci qarpızdan zəhərlənmə hadisəsidir.
Qax rayonunda zəhərlənmə hadisəsi baş verib.
Qax rayon mərkəzi xəstəxanasından ANS PRESS-ə verilən məlumata görə, rayonun Fıstıqlı kənd sakini, 1999-cu il təvəllüdlü Zöhrə Vaqif qızı Məmmədova dünən axşam qarpız yeyərək zəhərlənib.
Z. Məmmədova dünən axşam saat 22 radələrində zəhərlənmə diaqnozu ilə xəstəxananın yoluxucu xəstəliklər şöbəsinə daxil edilib. Həkim müayinəsindən sonra məlum olub ki, onun zəhərlənməsinə səbəb yediyi qarpızdır. Qadın xəstəxanaya gətirilərkən onun vəziyyəti ağır idi.
Həkimlər lazımı tibbi yardım göstəriblər. Onun vəziyyəti hazırda normal olduğu üçün bu gün səhər evə buraxılıb.
Xatırladaq ki, bu son üç gün ərzində baş verən ikinci qarpızdan zəhərlənmə hadisəsidir.
Geri dön