Ana Sayfa > Karusel / Hadisə > Moskva-Bakı mikroavtobusu qəzaya uğradı: 8 yaralı
Moskva-Bakı mikroavtobusu qəzaya uğradı: 8 yaralı20-07-2018, 13:46. Yazar: Xeberaz |
Rusiyanın Stavropol diyarı ərazisində 3 avtomobil toqquşub. APA-nın TASS agentliyinə istinadən verdiyi xəbərə görə, qəza bu gün səhər saatlarında Qafqaz federal magistralının hava limanına dönən istiqamətində baş verib. Moskva-Bakı marşrutu üzrə hərəkət edən “Mercedes” markalı mikroavtobus “Ford” və “VAZ 2110” markalı minik avtomobilləri ilə toqquşub. Hadisə zamanı mikroavtobusda 11 nəfər, “Ford”da 3 nəfər, “VAZ 2110” markalı avtomobildə isə 2 nəfər olub. Nəticədə 13 nəfər xəsarət alıb. Onlardan 8-i Azərbaycan vətəndaşıdır. Bütün yaralılar xəstəxanaya yerləşdirilib. Bir qadının vəziyyəti ağır, digərlərinin durumu isə stabildir. Zərərçəkənlərə lazımi tibbi yardım göstərilir. Geri dön |