Ana Sayfa > Karusel / Hadisə / M2 > Məşhur marketdə mühafizəçini bıçaqlayana 3 İl 6 AY HƏBS

Məşhur marketdə mühafizəçini bıçaqlayana 3 İl 6 AY HƏBS


28-06-2018, 16:29. Yazar: Xeberaz


"OBA" marketdən yağ oğurlayarkən mühafizəçini bıçaqlamaqda təqsirləndirilən Emin Sadıqovun barəsindəki  cinayət işi üzrə məhkəmə prosesi başa çatıb.
 
Bakı Ağır Cinayətlər Məhkəməsində hakim Azər Paşayevin sədrliyi ilə keçirilən məhkəmə prosesdə hökm oxunub. Hakimlər kollegiyasının hökmünə əsasən, Emin Sadıqov 3 il 6 ay müddətinə azadlıqdan məhrum edilib.
 
Qeyd edək ki, hadisə ötən il Sabunçu qəsəbəsində baş verib. Emin Sadıqov qəsəbədə yerləşən OBA marketə girərək 10 ədəd 250 qramlıq kərə yağı götürüb. Ümumi dəyəri 40 manat olan yağları mağazadan gizli çıxarmaq istəyən Emin Sadıqovu mühafizəçi Xaliq Əkbərov görüb.
 
Yaranmış mübahisə zamanı Emin Sadıqov X.Əkbərova bir bıçaq zərbəsi vuraraq qaçıb.




Geri dön