"Liverpul" 5 qolla qələbə qazandı
25-04-2018, 10:05. Yazar: Xeberaz
Çempionlar Liqasında yarımfinal mərhələsinin ilk oyunlarına start verilib.
İlk görüş İngiltərədə keçirilib.
Çoxlarının gözləmədiyi halda bu mərhələyə qədər gələn “Liverpul” qrup mərhələsində “Qarabağ”ın rəqiblərindən olmuş “Roma”nı qəbul edib. İtaliya təmsilçisi də yarımfinala sürpriz şəkildə yüksəlib.
Yurgen Kloppun rəhbərlik etdiyi “mersisaydlılar” 69 dəqiqəyə rəqin qapısından 5 qol keçiriblər. Sona yaxın toparlanan "Roma" bu qollardan ikisinin əvəzini çıxa bilib - 5:2.
Qeyd edək ki, sabah yarımfinalın digər ilk oyununda “Bavariya” “Real”ı qəbul edəcək.
24 aprel
Çempionlar Liqası
Yarımfinalın ilk oyunu
"Liverpul" (İngiltərə) - "Roma" (İtaliya) - 5:2
Qollar: Məhəmməd Salah, 36 (1:0), 45+1 (2:0), Mane, 57 (3:0), Firmino, 62 (4:0); 69 (5:0), Dzeko, 81 (5:1), Perotti, 85-pen (5:2)
Hakimlər: Feliks Brix, Mark Borş, Ştefan Lup, Markus Xeker
Köməkçi hakimlər: Bastian Dankert, Marko Frits
25 aprel
22:45."Bavariya" (Almaniya) - "Real" (İspaniya)
Geri dön