Avropa Oyunlarının biletləri artıq satışda
21-03-2015, 13:00. Yazar: Xeberaz
Biletləri yarışın rəsmi saytından almaq olar.
İyunun 12-dən 28-dək Bakıda keçiriləcək birinci Avropa Oyunları-2015-in biletləri artıq satışdadır.
Xeberaz.az Oxu.Az-a xəbər verir ki, yaşlılar üçün biletlərin qiyməti 2-5 manatdır.
Qiymətlər yarışın mərhələsi, keçirilmə yeri və tamaşaçı yerinin kateqoriyasından asılıdır.
Uşaqlar və 16 yaşdan kiçik yeniyetmələr üçün giriş sərbəst olacaq. Lakin bu zaman onların yanında yaşı 18-dən çox, üzərində şəxsiyyət vəsiqəsi və bileti olan şəxsin olması lazımdır.
Yeganə istisna Heydər Əliyev adına İdman-konsert kompleksi və Milli Gimnastika Arenasında yarışlar olacaq - 16 yaşı tamam olmayanlar biletə görə 1 manat ödəyəcəklər.
Açılış mərasiminə biletlərin qiyməti 20 manat, bağlanış mərasimi isə 10 manat təşkil edir.
Biletləri Avropa Oyunlarının baku2015.com rəsmi saytından almaq olar.
F.H.
Geri dön