İrandan İŞİD-ə böyük hədə (FOTO)
3-07-2015, 19:04. Yazar: Kenan
"İŞİD də İran silahlı qüvvələrinə qarşı döyüşə bilməyəcəyini bilir"
İranın ali-dini lideri Ayətullah Əli Xameneyinin hərbi məsləhətçisi general Yəhya Rəhim Səfəvi İŞİD terror qruplaşmasını hədələyib.
Xeberaz.az-ın ANS PRESS-ə istinadən məlumatına görə, Elborz əyalətində qatıldığı bir yığıncaqda çıxış edən general Tehranın İŞİD-ə İraqdakı müqəddəs məkanlarla bağlı xəbərdarlıq etdiyini bildirib: "İŞİD rəhbərliyinə İraqdakı müqəddəs məkanalar hücum ediləcəyi təqdirdə birbaşa müharibəyə girəcəyimizi çatdırmışıq. İŞİD də İran silahlı qüvvələrinə qarşı döyüşə bilməyəcəyini bilir".
İran generalı Yəhya Rəhim Səfəvi
İraqda şiələr üçün müqəddəs sayılan məkanlar Kərbəla, Nəcəf, Kazimiyyə və Samarra şəhərlərində yerləşir.
Suriya və İraq hökümətini dəstəklədiklərini gizlətməyən Yəhya Rəhim Səfəvi qeyd edib ki, İŞİD-in qarşısı İran sərhədlərinin kənarında alınmalıdır: "Əks təqdirdə İran sərhədlərinin yaxınlığında terrorçularla döyüşəcəyik".
2011-ci ildə Suriyada baş verən vətəndaş müharibəsindən maksimum yararlanan vəhhabi ideologiyalı terror qruplaşmaları (İŞİD, "Əl-Nusra" və s. - red. ) Suriya və İraqda nəzarət etdiyi ərazilərdə müsəlmanlar üçün müqəddəs sayılan məkanları dağıdır.
Geri dön