"Hamımızın ana-bacısı var" - BAKIDA DƏHŞƏTLİ CİNAYƏT
19-12-2017, 13:45. Yazar: Xeberaz
Polis tərəfindən saxlanılan Emil bildirib ki, özündən 6 yaş böyük Nicatı mübahisə zəminində öldürüb. O deyib ki, Nicatın bəzi hərəkətlərindən xoşu gəlməyib. Belə ki, 25 yaşlı Nicat Həziyevin məhəllədə qızla gəzməsi Emili narahat edib. O, məhəllədən tanıdığı Nicata “hamımızın ana-bacısı var. Belə hərəkətlər lazım deyil” kimi irad bildirib. Bundan sonra onların münasibəti kəskinləşib və aralarında münaqişə yaranıb. Münaqişə zəminində 19 yaşlı Emil Nicatı bıçaqlayaraq öldürüb.
Faktla bağlı cinayət işi açılıb, araşdırma aparılır.
*****
9:59
Bakıda qətl törədilib.Sabunçu qəsəbəsində 1992-ci il təvəllüdlü Həziyev Nicat Qulam oğlu naməlum şəxs tərəfindən bıçaqlanıb. Çoxsaylı xəsarətlər alan 25 yaşlı gəncin həyatını xilas etmək mümkün olmayıb.
Aparılan araşdırmalar nəticəsində Nicat Həziyevin 1998-ci il təvəllüdlü Heydərov Emil İlqar oğlu tərəfindən qətlə yetirilməsi məlum olub. O, tutularaq istintaqa təhvil verilib.
Faktla bağlı cinayət işi açılıb, araşdırma aparılır.
Geri dön