Bakıda avtomobil ana və oğlunu vurub, 8 yaşlı uşaq ölüb
16-12-2017, 18:54. Yazar: Xeberaz
Bakıda ana və azyaşlı oğlunu maşın vurub.
Daxili İşlər Nazirliyinin mətbuat xidmətindən verilən məlumata görə, dekabrın 15-də saat 12 radələrində Sabunçu rayonunun Maştağa qəsəbəsi ərazisində qəsəbə sakini Rauf Kamilov idarə etdiyi “Ford” markalı avtomobillə yolun kənarı ilə hərəkət edən həmyerliləri Cəmilə Hüseynovanı və onun 8 yaşlı oğlu Mehrac Fərəcovu vurub.
Nəticədə uşaq hadisə yerində ölüb, xəstəxanaya yerləşdirilmiş anasına ilkin tibbi yardım göstərildikdən sonra buraxılıb.
Sabunçu RPİ tərəfindən araşdırma aparılır.
Geri dön