Ana Sayfa > Karusel / İqtisadiyyat / Gündəm > Bayram süfrəsi neçəyə başa gələcək?

Bayram süfrəsi neçəyə başa gələcək?


8-12-2017, 13:09. Yazar: Xeberaz
Bayram süfrəsi neçəyə başa gələcək?
Rusiya Federal Statistika İdarəsi Yeni İl süfrəsinin dəyərini hesablayıb. Məlum olub ki, ölkə paytaxtı Moskvada 4 nəfərlik ailənin bayram süfrəsi 7 476, 26 rubla başa gələcək. Bu da manat ekvivalenti ilə 214,5687 manat deməkdir. Onu da nəzərə çatdıraq ki, bayram süfrəsinə meyvə, tərəvəz, çörək, toyuq, kolbasa, iki növ salat, şokolad, tort, kürü, mineral, eləcə də, qazlı su, təbii şirə, balıq delikatesi, pendir, balıq konservi, qurudulmuş ət, araq, çaxır və sair daxil olmaqla 29 təam daxil edilib.

Maraqlıdır, Azərbaycanda bayram süfrəsi neçəyə başa gələcək?

Düzdür, Dövlət Statistika Komitəsi hələlik belə bir hesablama aparmayıb. Lakin statistikaya əsasən, 2017-ci ilin yanvar-oktyabr aylarında əvvəlki ilin yanvar-oktyabr aylarına nisbətən istehlak məhsullarının və xidmətlərin qiymətləri 13,7 faiz, o cümlədən ərzaq məhsullarının qiymətləri 17,6 faiz artıb.

Bu ay istehlakçıları hansı bazar “surprizlərinin” gözlədiyini deyə bilmərik. Ancaq marketlər, bazarlar, şühbəsiz ki, ilin 11 ayı gözlədikləri fürsəti dəyərləndirib, qiymətlərə "əl gəzdirəcəklər".

Həmişə olduğu kimi, Yeni ili ev şəraitində keçirənlər də olacaq, restoranda qarşılayanlar da. Əvvəlcə restoranları götürək. Xidmət sektorunun bu seqmentində qiymətlər ötən illə müqayisədə bahalaşıb. Ortabab restoranda bayram günü standart menyunun 1 nəfər üzrə qiyməti 50-100 manatdan başlayır. Əyləncə zamanı müştərinin arzu-istəklərinin dəyəri də əlavə hesablanır.

Ev şəraitində bayram keçirənlərə gəlincə, Rusiya Statistika Komitəsinin hesablamalarından bəhrələnib 4 nəfərlik ailənin bayram süfrəsini hesabladıq.
Süfrənin komponentlərinə plov, dolma, salat, desert kimi tort və meyvə daxili etdik. Aşağıdakı mənzərə alındı:

Plov



Yüksək keyfiyyətli düyü – 1 kq – 3,6 manat

Kərə yağı – 18 manat

Qaysı – 8-10 manat

Kişmiş – 7-14 manat

Şabalıd – 7 manat

Gavalı – 7 manat

Soğan – 0,8 manat

Quzu əti – 12 manat

Dana əti - 11 manat

Sarı farel - 17 manat

Yeni İl süfrəsinin əsas təamı hesab edilən hindinin dəyərinə gəlincə, çəkisindən asılı olaraq 50 manatdan başlayır və 80 manata qədər yüksəlir.

Salat



Yeni il süfrəsində ailələrin mütləq əksəriyyəti “paytaxt” salatına üstünlük verdiyindən, onun maya dəyərini hesablayaq:

5 ədəd yumurta – hər biri 14 qəpikdən

Kartof – 1 manat/kq

Kök – 1,6 manat/kq

Yaşıl noxud - 1,80 manat

Mayonez – 700 qr 3 manat

Dolma



Qoyun əti – 12 manat/kq
Yarpaq – 4 manat

Yeməyin hazırlanmasında lazım olan digər komponentləri də əlavə etsək, 4 nəfərə çatacaq dolmanı ən yaxşı halda 27-28 manata hazırlamaq olaq.

Tort



Götürək “ballı tortu”. Ev şəraitində bu şirniyyatı hazırlamaq xammalın qiymətləri də daxil olmaqla, 20 manata başa gəlir.

Meyvə



Alma – 1 manatdan başlayaraq 4 manata qədər

Naringi – 1,5 manat

Üzüm – 4,5 manat

Xurma – 1,5 manat

Portağal – 2 manat

Armud – 2,80 manat

Nar - 2- 6 manat arasında dəyişir

Banan – 2,60 manat

Tərəvəzlər

Xiyar – 2 manat

Pomidor – 3 manat

Göyərti dəstəsi – 0,2 manat

Çərəzlər



Qoz – 20-28 manat

Fındıq – 16-24 manat

Qaysı –10 manat

Kişmiş – 7-14 manat

Çörək



50 qəpik - 1 manat

Göründüyü kimi, 1 günlük bayram süfrəsinin dəyəri 2017-ci il üzrə hesablanan əmək qabiliyyətli əhali üçün 164,5 manatdan yüksəkdir. Səbətə ən aşağı qiymətlərlə spirtli, eləcə də, spritsiz içkiləri, şirələri əlavə etsək, süfrənin dəyəri ən kobud hesablamalarla 200 manatı ötür.
Geri dön