Bakıda müəllimə 50 qəpiyə fransız dili öyrədir
7-10-2017, 10:00. Yazar: Xeberaz
Aysel Novruz adlı fransız dili müəllimi maraqlı təşəbbüslə çıxış edib.
Xəbəraz.Az-ın Xəzər TV-yə istinadən məlumatına görə, 32 yaşlı qadın, "Facebook” sosial şəbəkəsindəki izləyicilərinə fransız dili öyrətmək qərarına gəlib.
O, virtual dostlarına öz minnətdarlığını bildirmək üçün belə bir addım atdığını vurğulayıb.
Təhsilini Fransada alan qadın, ona köməklik edənlərlə yanaşı, 15 mindən çox izləyicisinə də 50 qəpiyə dil öyrətməyi planlaşdırır. Xidmət qarşılığında alacağı qəpiyi isə simvolik olaraq seçib.
Aysel Novruz, dərslərin həftədə iki gün olacağını deyir. Dərs saatının isə digərlərindən fərqlənməyəcəyini söyləyib.
Qeyd edək ki, adambaşına 50 qəpiyə yalnız 1 ay ərzində fransızca öyrənmək mümkündür. 10 ildən çox Fransada yaşayan qadın, "Facebook” dostlarına sonradan da qiymət baxımından güzəşt ediləcəyini deyib.
Geri dön