Əminənin cənazəsini Bakıya gətirmək üçün 15 min tələb olunur? - Açıqlama
11-08-2017, 23:07. Yazar: Xeberaz
“Sosial şəbəkələrdə aktrisa Mila Əminənin cənazəsinin Bakıya gətirilməsi üçün 15 min dolların tələb olunması və bu səbəbdən pul yığılması ilə bağlı yayılan xəbərlər yalandır”.
“Xəbəraz.Az” xəbər verir ki, bunu axşam.az-a aktrisanın xalası qızı Rübabə Səfərova deyib.
Onun sözlərinə əsasən, cənazənin Bakıya gətirilməməsi Milanın anasının istəyidir: “Əminənin anası uzun müddətdir ki, Türkiyədə yaşayır. Ona görə qızına yaxın olmaq üçün orada dəfn olunmasını istəyir. Amma qohumlar etiraz edirlər”.
R.Səfərova əlavə edib ki, aktrisa hazırda reanimasiyada aparata qoşuludur. Onun ürəyi işlədiyi üçün həkimlər orqanının bağışlanmasını təklif ediblər. Lakin aktrisanın yaxınları təklifi rədd edib.
Xatırladaq ki, 29 yaşlı aktrisa meningit xəstəliyindən dünyasını dəyişib. Əminə son olaraq “3 badam, 1 qoz” filmində rol almışdı.
Geri dön