“iPhone 8”-in yeni şəkilləri yayıldı - FOTOLAR
18-07-2017, 13:21. Yazar: Xeberaz
Şəbəkədə gələcək yeni “iPhone 8” flaqman smartfonunun şəkilləri yayılıb.
Bu şəkillər onun çərçivəsiz ekranın, ikili kamerasının, həmçinin naqilsiz enerji doldurulmasına malik olmasını təsdiqləyir.
Şəkillər “UnboxTherapy” “Twitter” kanalının müəllifi tərəfindən yerləşdirilib. İnsayderin məlumatına görə, gələcək cihaz həmçinin 5,8 düym diaqonallı ekrana və “Home” sensor düyməsinə də malik olacaq.
Smartfonun qabaritləri demək olar ki, “iPhone 7”-dəki kimi olacaq. Ancaq ekranın ölçüsü bir qədər böyük olacaq. Smartfonun yaradıcıları həmçinin cihazın müdafiəsi göstəricilərini yaxşılaşdırıblar. Bura onun sukeçirməzliyi də daxildir.
Bundan başqa, gözlənilir ki, flaqmanda olacaq lazer ötürücüsü ona daha yüksək dəqiqliklə sifətləri tanıma və əlavə reallıq texnologiyaları ilə işləyən zaman dərinliyi müəyyənləşdirmək imkanı verəcək.
Bundan əvvəl isə bildirilib ki, “iPhone 8” “güzgülü” arxa panelə malik ola bilər.
Geri dön