Alı Alıyev Zəhranın ailəsi ilə görüşdü
8-07-2017, 14:49. Yazar: Xeberaz
Füzuli Rayon İcra Hakimiyyətinin başçısı Alı Alıyev bu gün növbəti dəfə Alxanlı kəndində olub, Zəhra və nənəsi Sahibə Quliyevanın ailəsinə baş çəkib, kənd sakinləri ilə görüşüb keçirib.
“Xəbəraz.az” xəbər verir ki, Alı Alıyev baş vermiş faciənin prezident İlham Əliyevin və Azərbaycanın birinci vitse-prezidenti Mehriban Əliyevanın diqqətində olduğunu vurğulayıb.
Alıyev Ermənistanın Alxanlıda dinc insanlara qarşı törətdiyi hadisənin cavabsız qalmadığını, ordumuz tərəfindən düşmənə layiqli cavab verildiyini, azyaşlı Zəhranın qisası alındığını diqqətə çatdırıb.
Kənd sakinləri isə düşmənin ağır artirelliya qurğularından istifadə etməklə mülki əhalini atəşə tutmasına baxmayaraq öz evlərini tərk etmədiklərini, prezident cənab İlham Əliyevə, ordumuza inandıqlarını, güvəndiklərini bildiriblər.
Qeyd ediblər ki, rayonun bütün yaşayış məntəqələri kimi Alxanlıda bərpa olunub, kəndin qaz, işıq, su və digər sosial-məişət qayğıları həll edilib.
.jpeg)
Geri dön