Ana Sayfa > Karusel / Gündəm > Yunuslar haqda məcburi gətirilmə qərarı verildi

Yunuslar haqda məcburi gətirilmə qərarı verildi


3-07-2017, 14:18. Yazar: Xeberaz
Yunuslar haqda məcburi gətirilmə qərarı verildi
Bu gün Bakı Apellyasiya Məhkəməsində Sülh və Demokratiya İnstitutunun direktoru  Leyla Yunus və həyat yoldaşı Arif Yunusun məhkəmə prosesi keçirilib.
Hakim Mirpaşa Hüseynovun icraatında olan prosesdə Yunusların məhkəməyə məcburi gətirilməsi haqda qərar elan olunub. Bildirilib ki, mayın 17-də bununla bağlı Daxili İşlər Nazirliyinə müraciət edilib və hələ də polisdən cavab gözləyirlər.
Proses iyulun 12-də davam etdiriləcək.
Qeyd edək ki, Leyla və Arif Yunuslar 2014-cü ilin iyununda həbs olunublar. 2015-ci ilin avqustunda Bakı Ağır Cinayətlər Məhkəməsinin hökmü ilə Leyla Yunus 8 il 6 ay, Arif Yunus isə 7 il azadlıqdan məhrum edilib. Həmin ilin dekabrında Bakı Apellyasiya Məhkəməsi hökmü dəyişib, Yunuslar şərti cəza ilə həbsdən buraxılıb. Sağlıq problemləri olan Yunusların müalicə məqsədi ilə xaricə getməsinə icazə verilib. Sonradan Ali Məhkəmə apellyasiya instansiyasının bu qərarını ləğv edib və iş yenidən baxılması üçün Bakı Apellyasiya Məhkəməsinə qaytarılıb.
Geri dön