Azərbaycanda evsizlərin yaşadığı binada MÜƏMMA DOLU HADİSƏ - FOTO
14-05-2017, 11:28. Yazar: Xeberaz
Dünən Mingəçevir şəhərində istifadəsiz binada tapılan kişi meyitinin kimə məxsus olmasını müəyyənləşdirmək mümkün olmayıb. Şəhərin 20 Yanvar küçəsində istifadəsiz qalmış dördmərtəbəli tikilidə aşkarlanmış yarıyanmış-yarıçürümüş kişi meyiti Patoloji Anatomiya Birliyinin Yevlax şöbəsinə aparılıb. 30-35 yaşlı həmin şəxsin üzərində hər hansı sənəd tapılmadığından adını müəyyənləşdirmək də mümkün olmayıb.
Bildirilir ki, meyitin tapıldığı binada xeyli vaxtdır ki, tüfeyli həyat tərzi sürən və evi olmayan insanlar yaşayır. Ölən şəxsin həmin insanlarla münasibətinin olub-olmadığı, bədbəxt hadisə nəticəsində və ya qəsdən öldürüldüyü də aydın deyil.
İlkin araşdırma zamanı məlum olub ki, həmin şəxs bir neçə gün əvvəl vəfat edib. Çünki binanın ətrafında güclü qoxu yaranıbmış və ətrafda yaşayan sakinlərin müraciətindən sonra orada axtarış aparılıb.
*****
00:05
Axşam saat 20:00 radələrində Mingəçevir şəhərində naməlum kişi meyiti tapılıb.
"Report" Şirvan bürosu xəbər verir ki, yaşı təqribən 30-32 olan meyit şəhərin 20 Yanvar küçəsində yerləşən 18 saylı binanın qarşısındakı yararsız dördmərtəbəli tikilidə aşkar edilib.
İlkin ehtimala görə, meyitin üzərində yanıq əlamətləri var. Naməlum şəxsin meyiti tibbi ekspertiza üçün şəhər morquna təhvil verilib.
Faktla bağlı Mingəçevir Polis şöbəsində araşdırma aparılır.
Geri dön