Lənkəranskinin qətlində iştirak edən killer öldürüldü
3-05-2017, 16:09. Yazar: Xeberaz
Sankt-Peterburqda “qanuni oğru” Rövşən Lənkəranskinin ölümündə əli olduğu ehtimal edilən şəxs öldürülüb.
Bu barədə Rusiyanın “Prime Crime” saytının yaydığı xəbərdə deyilir.
Bildirilir ki, Cabir Həsənov aprelin 28-də binalardan birinin qarşısında qətlə yetirilib.
Agentliyin əldə etdiyi məlumata əsasən, 4 dəfə məhkumluq həyatı yaşamış C. Həsənov digər azərbaycanlı “qanuni oğru” “Quli” ləqəbli Nadir Səlifovun yaxın adamı olub. C. Həsənov 2015-ci ilin 18 dekabrında Samarada azərbaycanlı sahibkarın qaçırılmasında iştirak edib. Sərhəd qeydlərinə əsasən o, Rövşən Lənkəranski İstanbulda güllələnən vaxt Türkiyədə olub. Onun keçən il “Quli”nin göstərişi ilə Rafiq Masallinskinin qulağının kəsilməsində də iştirak etdiyi ehtimal edilir. C. Həsənov R. Masallinskinin intiqam alacağını elan etdiyi 7 nəfərdən biri olub.
Geri dön