Soçidə Putin və Ərdoğan arasında görüş keçirilir
3-05-2017, 16:05. Yazar: Xeberaz
"Rusiya-Türkiyə münasibətləri xüsusi status alır və tam həcmdə bərpa olunur".
apa-nın “RİA Novosti”yə istinadən verdiyi məlumata görə, bu sözləri Rusiya prezidenti Vladimir Putin Soçidə türkiyəli həmkarı Rəcəb Tayyib Ərdoğanı qəbul edərkən deyib. "Çox yaxşıdır ki, bizim işgüzar rejimdə görüşmək, ikitərəfli fəaliyyətin əsas məsələləri barədə danışmaq imkanımız var", - deyə V. Putin söyləyib.
R. T. Ərdoğan isə bildirib ki, iki ölkənin atacağı birgə addımlar Yaxın Şərqdə vəziyyətə təsir göstərmək imkanındadır: “Bizim çiyinlərimizə çox ağır bir iş, çox böyük məsuliyyət düşür. Əminəm ki, birlikdə atdığımız addımlar bütün regionun taleyini dəyişəcək”.
Qeyd edək ki, sonuncu dəfə Rusiya və Türkiyə prezidentləri martın 10-da görüşüb.
Geri dön