"Sarımsaq qalmaqalı" davam edir - Zaurdan CAVAB GƏLDİ - YENİLƏNİB
17-04-2017, 12:52. Yazar: Xeberaz
Axı, Xatirə bu söhbəti niyə bu qədər böyüdür? Efirdə baş verənlər şou idi. Ciddiyə almaq lazım deyil. Olmadı ki... Xatirə niyə belə danışır?
"Xəzər" telekanalında nümayiş olunan 5/5 verilişinin aparıcısı Zaur Kamal müğənni Xatirə İslamla arasında yaşanan "sarımsaq qalmaqalı"na münasibət bildirərkən deyib.
Aparıcı əlavə edib ki, verilişində dəvət etdiyi qonaqlarla bu tipli söhbətlər şou-xarakterlidir və heç bir şəxsi qərəz əks etdirmir.
Xatırladaq ki, bir neçə gün öncə Zaur Kamalın adı çəkilən verilişində qonaq olan Xatirə İslam aparıcı tərəfindən kuryoz vəziyyətə düşüb. Belə ki, Z.Kamal X.İslama yaxınlaşarkən, burnunu tutaraq: "Bu nədir, səndən sarımsaq iyi gəlir. Efirə sarımsaq yeyib, gəmisən".
Xatirə isə cavabında, "Mənim elə bir kompleksim yoxdur" - cavabını verib.
"Zaurun verilişinə getmişdim. Qrim otağında bacıma dedim ki, gör məndən sarımsaq qoxusu gəlir? İkimiz də yemişdik, üstündən çox keçmişdi. Bacım da dedi ki, yox, heç bir qoxu gəlmir".
Bu sözləri qafqazinfo-ya açıqlamasında Xatirə İslam deyib. Müğənni sarımsaq yeyərək efirə çıxmasına görə aparıcı Zaur Kamalın onu ələ salmasına sərt reaksiya verib.
Xatirə deyib ki, o, Abbas Bağırova görə canlı yayımı tərk etməyib:
"Sən demə, Zaur öz telefonuna baxa-baxa bizə qulaq asırmış. Qrim otağında mənə heç nə demədi. Canlı efir başlayan kimi söz atmağa başladı. Bir-iki dəfə demək olar. Amma hər dəfə canlı efirdə təkrarlamaq nə deməkdir? Bu günə kimi mənim heç kimlə problemim olmayıb. İcazə verməmişəm ki, kimsə məni belə ələ salsın. Özümü o səviyyəyə salmamışam. Ömrümdə belə şeylər görməmişəm. Gördüm ki, Zaur çox dərinliyə gedir. Fikirləşirəm ki, ona cavab verim, ya yox? Allah səbrli insanları sevir. Düşündüm ki, onun cavabını verərəm, evdəkilər də məni tənbeh edər ki, sənə nə oldu?
Özümə təsəlli etdim, dostumdur, cavab verməyim. Verilişdə ən yaxın dostum Abbas Bağırovla qonağam. 18 ildir ki, biz dostluq edirik. Əvvəlcədən onla da danışmışdıq. Birinci səhnəyə mən çıxdım. Sarımsaq məsələsini danışdı, mahnı oxudum. Məndən sonra Abbas gələcəkdi. Mahnı oxuya-oxuya düşündüm ki, efirdən çıxıb getdim, qabağımı Abbas kəsdi. Ona qarşı hörmətsizlik etmək istəmədim. Dişimi bağırsağıma sıxıb əyləşdim. Təsəvvür edin ki, mən İnstaqram-da paylaşım etmək məcburiyyətində qaldım. Dünən onun verilişində bir qonaq olub. Qayıdıb ona deyib ki, sən də sarımsaq yemisən? Deməli, Zaur öz aləmində məni ələ salır.
Səndən neçə illərdir iylər gəlir, mən heç demirəm. Yeri gələndə sarımsağın iyi bir saatlıq şeydir. Sən buna dözə bilmirsənsə, illərdir camaat sənin iyinə necə dözsün? Sən mənim dostum-tanışımsansa, niyə belə dərinə gedirsən? Kimsə məndən dərininə zarafat edər, həyatımın qalan hissəsini ona həsr edərəm. Yəni, məcazi mənada deyirəm, ölənə kimi o adamla məşğul olaram. Məni heç kim ələ sala bilməz. Olmaz belə, kənarda dost deyirsən, efirə çıxanda tamam başqa insan olursan. Özünə hörmət elə".
Geri dön