2-ci dəfə 10 min
11-04-2017, 12:28. Yazar: Xeberaz
Azərbaycan Premyer Liqasının XXV turunun “Kəpəz” – “Neftçi” qarşılaşması yeni rekordla əlamətdar olub. Apasport.az saytının məlumatına görə, Gəncə şəhər stadionunda keçirilən qarşılaşmanı 10 min tamaşaçı izləyib.
Bu da mövsümün 2017-ci ilə aid hissəsi üçün rekord göstəricidi. Ümumilikdə isə mövsümdə 4-cü dəfə bir qarşılaşmaya 10 min və ya daha çox tamaşaçı toplaşıb. İlk üç oyun da Gəncə stadionunda baş tutub. Həmin görüşlər mövsümün ilk yarısına təsadüf edib. “Kəpəz”in evdə “Qarabağ”la oyununu 14 min 238, “İnter”lə matçını 10 min 650, “Zirə” ilə görüşünü 10 min seyrçi izləyib. Mövsümün 3-cü göstəricisinin təkrarı olan “Kəpəz” – “Neftçi” matçı qış fasiləsindən sonrakı dövr üçün mütləq rekorddu.
Qeyd edək ki, “Kəpəz” “Neftçi” ilə ev oyununda 2:0 hesabı ilə qalib gəlib.
Geri dön