Ana Sayfa > Karusel / Gündəm > Mayın 25-dək bu səhvi etsəz - 40 manat cəriməsi var

Mayın 25-dək bu səhvi etsəz - 40 manat cəriməsi var


3-04-2017, 19:06. Yazar: Xeberaz
Mayın 25-dək bu səhvi etsəz - 40 manat cəriməsi var

“IV İslam Həmrəyliyi Oyunları ilə bağlı Bakıda xüsusi zolaqların çəkilməsinə başlanılıb”.

"Xəbəraz.az "Modern.az-a istinadən xəbər verir ki, bunu jurnalistlərə açıqlamasında Daxili İşlər Nazirliyinin Baş Dövlət Yol Polisi İdarəsinin (BDYPİ) şöbə rəisi, polis polkovniki Kamran Əliyev deyib.

Şöbə rəisi bildirib ki, bu zolaqlara yalnız Oyunlar üçün nəzərdə tutulan nəqliyyat vasitələri buraxılacaq.
"24 saat ərzində zolaqlara nəzarət ediləcək. Mayın 1-dən 25-nə qədər zolaqlara digər maşınların girməsinə icazə verilməyəcək. Aidiyyatı olmayan maşınlar zolağa girsə 40 manat cərimə olunacaqlar".

BDYPİ-nin şöbə rəisi deyib ki, regionda olan nəqliyyat vasitələrinin həmin müddətdə şəhərə daxil olmasına müəyyən məhdudiyyət qoyulacaq.

“Hazırda bir sıra küçə və prospektlərdə zolaqlar çəkilir. Bura Ziya Bünyadov prospektindən Atletlər kəndinədək, Bakı Kənarkeçmə yolu (dairəvi) Bakı Atıcılıq Mərkəzində başlayır və Salyan Şosesində sona çatır. Salyan şosesi zolağı Kənarkeçmə yolundan Bibiheybət yolunadək, Bibiheybətdən başlayaq Avropa oyunları parkından keçərək birbaşa Bayraq Meydanına gedən, Neftçilər prospekti zolağı Bayraq Meydanından Bakı İdman zalına, Qara Qarayevdə bütün yol, Atatürk prospektindəki zolaq isə Ziya Bünyadov prospektindən Vaqif prospektinə qədər, Fətəli Xan Xoyski zolağı Atatürk prospektindən Koroğlu Rəhimov küçəsində yerləşən körpüyə qədər, Hənifə Ələsgərova zolağına Vaqif prospektindən cəlil Məmmədquluzadə küçəsinə qədər, Tbilisi prospektindəki zolağa Heydər Əliyev adına İdman arenasının çıxışından Abdulvahab Səmədzadə küçəsinə qədər, Abdulvahab Səmədzadə küçəsindəki zolaq Tbilisi prospektindən Ziya Bünyadov prospektinə qədər, Böyükşor şossesindəki zolaq isə Koroğli metrostansiyasından Aeroport Şossesinin başlanğıcınadək hissəsi aiddir”.
Geri dön