Qısqanc qardaş bacısını amansızlıqla öldürdü - MANE OLA BİLMƏDİLƏR
17-03-2017, 11:59. Yazar: Xeberaz
Bərdə rayonunda törədilmiş qətlin təfərrüatları məlum olub. Bərdə şəhərinin Füzuli küçəsində yaşayan 21 yaşlı İbrahimli Hafiz Vaqif oğlunun özündən bir yaş kiçik bacısını qısqanclıq zəminində öldürdüyü məlum olub.
V.İbrahimli bildirib ki, bacısının haqqında xoşagəlməz söz-söhbətlər eşidib. O, daha əvvəl Leylanı bir neçə dəfə xəbərdar da etdiyini əlavə edib.
Dünən bacı-qardaş arasında növbəti dəfə münaqişə yaranıb və əsəblərinə hakim ola bilməyən Hafiz Leylanı baltalayaraq öldürüb. H.İbrahimli daha sonra polisə təslim olub.
Bildirilir ki, hadisə vaxtı ailə üzvləri də evdə olub və onlar qardaşın bacısını amansızlıqla öldürməsinə mane ola bilməyiblər.
Faktla bağlı araşdırma aparılır.
****
Bərdə rayonunda qətl hadisəsi baş verib.
APA-nın Qarabağ bürosunun xəbərinə görə, hadisə Bərdə şəhərində qeydə alınıb.
Şəhərin Füzuli küçəsində yaşayan 21 yaşlı Hafiz Vaqif oğlu İbrahimli 20 yaşlı bacısı Leyla İbrahimlini baltalayaraq öldürüb.
Faktla bağlı Bərdə rayon Prokurorluğunda araşdırma aparılır.
Geri dön