Fikrət Qoca ölən oğluna şeir yazdı
16-03-2017, 10:54. Yazar: Xeberaz
Fikrət Qoca dünyasını dəyişən oğlu Yalçın Qocaya yeni şeir yazıb.
Şeir Fikrət Qocanın şair dostu Qəşəm Nəcəfzadə tərəfindən sosial şəbəkədə paylaşılıb.
Mən səni qorudum uşaqlığından,
Mən səni qorudum cavanlığından,
Qorudum səni mən baba olunca
Demirəm izlədim, gəzdim dalınca...
Bu sözü atalar deyib əzəldən:
"Ac qarın özünü verər qılınca".
Bəlkə yaxşı ata ola bilmədim
Səni öz əlindən ala bilmədim.
Sən öldün, amma mən ölə bilmədim.
İndi yaşayıram qalan vaxtımı.
Yaşamaq...Yəni bu yaşamaqdımı?...
Geri dön