"Bəyaz həyat" 15 ildən sonra yenidən çəkiləcək
4-03-2017, 15:37. Yazar: Xeberaz
15 ildən sonra "Bəyaz Həyat" serialının baş qəhrəmanları bir araya gəliblər.
Rejissor Aqil M. Quliyev "Xəzər maqazin"ə açıqlamasında bildirib ki, serialın davamı lentə alınacaq:
"Belə bir iş etmək istəyirik. Hələ çox açıqlamayaq, sirr qalsın".
Əməkdar artist Vəfa Zeynalova bu xəbərin onun üçün sürpriz olduğunu deyib:
"Məni həm şoka saldılar, həm də sevindirdilər. Sosial şəbəkədə tamaşaçılar tərəfindən hər dəfə oradakı Nigar obrazımla bağlı məktublar alıram. Hamı bu serialın davamının çəkilməsini istəyir. Etiraf edim ki, Riyad obrazını oynayan Kamal Dənizi ilk dəfə görəndə etiraz etmişdim. Deyirdim onunla çəkilməyəcəm".
Ekran işində Riyad obrazını canlandıran Kamal Dəniz isə "Bu haqda Aqillə tez-tez danışırdıq. Amma Vəfa ilk dəfə xəbər tutdu" deyə, söyləyib.
Geri dön