Ulduz futbolçu Azərbaycanla oyunu buraxacaq
28-02-2017, 15:45. Yazar: Xeberaz
Dortmund “Borussiya”sının yarımmüdafiəçisi Mario Götzenin zədəsi ciddiliyini qoruyur."Xəbəraz.az " saytının xarici mətbuata istinadən məlumatına görə, ulduz futbolçu hələ də müalicəsini davam etdirir.
Əzələ problemi ilə üzləşən Almaniya millisinin üzvünün durumu barədə hələlik bir məlumat verilmir. Ancaq onun hətta mövsümü başa vurmaq riskinin olduğu da istisna edilmir. “Borussiya”nın baş direktoru Hans-Yoahim Vatske də 24 yaşlı oyunçunun sağalması üçün müəyyən zamana ehtiyac duyduqlarını söyləyib.
Bu isə o deməkdi ki, Götze DÇ-2018-in seçmə mərhələsi çərçivəsində Azərbaycana qarşı keçiriləcək növbəti matçı buraxacaq.
Qeyd edək ki, Azərbaycan – Almaniya görüşü martın 26-da Bakıda keçiriləcək.
Geri dön