Azərbaycanda oğlan uşaqlarının sayı artıb
28-02-2017, 12:52. Yazar: Xeberaz
"Ötən il Azərbaycanda 10 yaşa kimi uşaqlar arasında oğlanların sayı qızlara nisbətən 4-5 faiz artıb".
"Xəbəraz.az ""Report"a istinadən xəbər verir ki, bunu "2017-2025-ci illər üzrə Azərbaycan Respublikası əhalisinin Reproduktiv Sağlamlığına dair Milli Strategiyanın" ilkin layihəsinin müzakirəsinə həsr olunan işçi görüşdə deputat Məlahət İbrahimqızı deyib.
Onun sözlərinə görə, bu onu göstərir ki, Azərbaycanda 10 yaşa kimi uşaqlar arasında oğlanların sayı nəzərə çarpacaq qədər artıb:
"Qızların gələcək taleyi hər kəsi düşündürməlidir. 5 il bundan əvvəl bu rəqəmlər 1% idi. Artım belə davam etsə 2-3 ildən sonra bu ciddi tendensiyaya səbəb olacaq. Biz bu sahədə geridə qalmış ölkələrin sırasına düşə bilmərik".
M.İbrahimqızı qeyd edib k, hazırda Azərbaycan qızlarının kütləvi şəkildə xarici vətəndaşlarla ailə qurması ciddi problemdir:
"Səhiyyə müəssisələrində müalicə məqsədi olmasa ultrasəs müayinəsinin (UZİ) keçirilməsi hansısa formada tənzimlənməlidir. Təəssüf ki, UZİ-nin lazım oldu-olmadı, xüsusilə cinsə görə "muştuluq" naminə təyin edilməsi halları bu gün də var.”.
Geri dön