ABŞ-da əsrin fəlakəti yaşana bilər: 200 min insan TƏHLÜKƏDƏ - VİDEO
14-02-2017, 11:20. Yazar: Xeberaz
ABŞ-ın Kaliforniya ştatında ölkənin ən yüksək Orovill gölünün sahilindəki eyni adlı su bəndində böyük sızıntı başlaması haqda məlumat vermişdik.
Məlumata görə, ABŞ-ın sözügedən ərazisinə güclü qasırğa yaxınlaşmaqdadır.
"Xəbəraz.az " xəbər verir ki, güclü qasırğa 48 saat ərzində su bəndini tamamilə dağıda bilər. Bununla da 38 metr hündürlükdə sel yarana bilər ki, bu da 200 min evi su altında qalmaq təhlükəsi ilə qarşı-qarşıya qoyacaq.
Xəbərdarlıq sonrası Orovilldə yaşayan minlərlə insan evlərini tərk etməyə başlayıb.
Oroville su bəndində yaxın saatlarda suyun səviyyəsi 14.5 metr qalxa bilər. ABŞ prezidenti Donald Tramp yaranmış real təhlükə ilə bağlı yaxınlıqdakı yaşayış məntləqələrinin təxliyəsinə göstəriş verib. 200 min insan təxliyə ediləcək. Kaliforniya ştatı əsrin fəlakətinə hazırlaşır. Byutt, Yuba və Satter bölgələrində milli qvardiya döyüş hazırlığı vəziyyətinə gətirilib. Kaliforniya qubernatoru Cerri Braun fövqəladə vəziyyət elan edib. 1962-68-ci illərdə tikilmiş Orovill su bəndi ABŞ-ın ən yüksək hidrotexniki qurğusudur. Hazırda göldən saatda 2800 kubmetr su axıdılır. Ümumiyyətlə isə göldə 4.3 mlrd. kubmetr su var. Su bəndində yaranmış futbol meydanı boyda dəlik böyüyərsə, Feter çayı boyunca olan bütün yaşayış məntəqələri məhv olacaq.
Fəlakət yerində hazırda 20 min hərbçi var.
Geri dön