Nadirlə toy yiyəsi arasında qalmaqalda son nöqtə - Toy sahibindən AÇIQLAMA
18-01-2017, 15:37. Yazar: Xeberaz
Xəbər verdiyimiz kimi, “5-də 5” verilişində müğənni Nadir Qafarzadə və toy sahibi arasında qalmaqal yaşanıb. "Xəbəraz.az "-ın məlumatına görə, məsələ ilə bağlı toy sahibi Vaqif Süleymanov bu gün mətbuata müraciət yayıb: “Hörmətli media nümayəndələri, yazıb sizə bildirirəm ki, müğənni Nadir Qafarzadə ilə aramızda olan anlaşılmazlığa son qoyduq. Hazırda aramızda heç bir problem yoxdur. Sadəcə əsəbi olduğum üçün qeyr-etik cümlələr işlətmişəm. Bizə görə də bir çox insanlar narahat oldu. Bəziləri isə bu məsələni daha da şişirtməyə, şou yaratmağa çalışdı. Ona görə də bizi tanıyanlar, üzrlü sayın. Biz artıq dost olaraq qalırıq. Əsəbi halda söylədiyimiz sözləri şouya çevirənlərə isə, demək istəyirəm ki, daha bəsdir, yekunlaşın. Bundan sonra Nadir Qafarzadə ilə bir-birimizə yalnız xoş sözlər deyə bilərik. Bir iş idi, oldu bitdi. Nadir bəyə bundan sonrakı sənət yolunda uğurlar arzu edirəm. Daha bu mövzuyla bağlı heç bir jurnalist məni narahat etməsin”.
Qeyd edək ki, N.Qafarzadə İfaçı“5-də 5” verilişində bildirib ki, rayonlardan birində toya gedib və toyda iştirak saatını ev sahibi ilə 13:00-dan 19:00-dək razılaşıblar. Ancaq saat 19:00-da ev sahibi ondan daha iki saat məclisi yola verməyi xahiş edib. Lakin ifaçı həm özünün, həm də musiqiçilərinin yorulduğunu söyləyib. Toy sahibi V.Süleymanov isə efirə bağlanaraq, müğənninin yalan danışdığını söyləmişdi.
Geri dön