Ana Sayfa > Karusel / Hadisə > Uzun illər sonra valideyn olan cütlüyün FACİƏSİ - AĞSUDA-TƏFƏRRÜAT

Uzun illər sonra valideyn olan cütlüyün FACİƏSİ - AĞSUDA-TƏFƏRRÜAT


5-01-2017, 12:06. Yazar: Xeberaz
Uzun illər sonra valideyn olan cütlüyün FACİƏSİ - AĞSUDA-TƏFƏRRÜAT



Yanvarın 1-də Ağsu şəhərində ər və arvadının ölümü ilə nəticələnən dəhşətli qəzanın təfərrüatları məlum olub. "Xəbəraz.az "-ın məlumatına görə, hadisə axşam saatlarında 1958-ci il təvəllüdlü Xəyyam Əliyev, həyat yoldaşı, 1964-cü il təvəllüdlü Xatirə Əliyeva və azyaşlı övladları ilə Ağsuda qohumlarının evinə bayramlaşmağa gedərkən baş verib.

Ailə üzvləri Heydər Əliyev prospekti ilə gedərkən uşaqlar qohumlarının evinə çatdıqlarını deyiblər və qaçaraq məhəlləyə giriblər. Bu zaman 1970-ci il təvəllüdlü Ədilov Əmirşah Məmmədşah oğlu idarə etdiyi “VAZ 2106” markalı minik avtomobili ilə sürətlə hərəkətdə olarkən idarəetməni itirib, avtomobil yoldan çıxaraq piyada səkisində hərəkət edən Xəyyam və Xatirəni vurub. Cütlük hadisə yerindəcə keçinib.
Advertising 16


Piyadaları vuran avtomobil sonra hasara çırpılaraq aşıb. Zərbənin təsiri nəticəsində avtomobilin sürücüsü Əmirşah Ədilov, onun həyat yoldaşı, 1975-ci il təvəllüdlü Ədilova Məhbubə Sədulla qızı və övladları, 2000-ci il təvəllüdlü Əmrah Ədilov və 1998-ci il təvəllüdlü Afaq Ədilova müxtəlif dərəcəli bədən xəsarətləri ilə Ağsu rayon Mərkəzi Xəstəxanasına yerləşdirilib.

Bildirilir ki, Xəyyam Əliyev və Xatirə Əliyeva evləndikdən sonra uzun illər onların övladı olmayıb. Buna baxmayaraq onlar ayrılmayıb və təxminən 15 il sonra cütlüyün övladı dünyaya gəlib.

O da məlum olub ki, hadisəni törədən sürücü sərxoş vəziyyətdə avtomobil idarə edirmiş və yol hərəkət qaydalarını əvvəllər də dəfələrlə kobudcasına pozub.


*****

2 yanvar

Ağsuda avtomobil ər və arvadı vuraraq öldürüb, bir ailənin 4 üzvü ağır xəsarət alıb

Ağsu rayonunda iki ailənin faciəsi ilə nəticələnən ağır avtomobil qəzası baş verib.

APA-nın yerli bürosunun xəbərinə görə, hadisə yanvarın 1-də axşam saat 22:00 radələrində Ağsu şəhərinin Heydər Əliyev prospektində qeydə alınıb.

Şamaxı rayonu Qurdtəpə kənd sakini, 1970-ci il təvəllüdlü Ədilov Əmirşah Məmmədşah oğlu idarə etdiyi “VAZ 2106” markalı minik avtomobili ilə sürətlə hərəkətdə olarkən idarəetməni itirib, avtomobil yoldan çıxaraq piyada səkisində hərəkət edən iki nəfəri-Ağsu şəhər sakini 1958-ci il təvəllüdlü Xəyyam Əliyevi və onun həyat yoldaşı, 1964-cü il təvəllüdlü Xatirə Əliyevanı vurub. Ağır xəsarətlər alan ər və arvad hadisə yerində dünyasını dəyişib.

Piyadaları vuran avtomobil sonra hasara çırpılaraq aşıb. Zərbənin təsiri nəticəsində avtomobilin sürücüsü Əmirşah Ədilov, onun həyat yoldaşı, 1975-ci il təvəllüdlü Ədilova Məhbubə Sədulla qızı, və övladları, 2000-ci il təvəllüdlü Əmrah Ədilov və 1998-ci il təvəllüdlü Afaq Ədilova müxtəlif dərəcəli bədən xəsarləri ilə Ağsu rayon Mərkəzi Xəstəxanasına yerləşdirilib. Hazırda onların vəziyyəti ağır olaraq qalır.

Faktla bağlı Ağsu rayon Polis Şöbəsi tərəfindən araşdırma aparılır.

Geri dön