Bakı sakini sevgilisi ilə birlikdə silsilə cinayətlər törətdi –TƏFƏRRÜAT
11-12-2016, 10:20. Yazar: Xeberaz
Bakının Nəsimi rayonunda qadına qarşı cinayət törədilib.
"Xəbəraz.az " xəbər verir ki, Bakı şəhər sakini Rahibə Əliyeva soyğunçuluqla üzləşib. İki nəfər naməlum şəxs Rahibə Əliyevanın pulunu və sənədlərini əlindən alıblar.
Rahibə Əliyeva soyğunçuluqla üzləşməsi barədə hüquq-mühafizə orqanlarına məlumat verib. Bildirib ki, ona qarşı soyğunçuluq törədənlərdən biri qadın, digəri kişi olub.
Hüquq-mühafizə orqanları əməkdaşlarının keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Bakı şəhər sakinləri Fərhad Feyzullayev və Elnurə Süleymanova tutulublar.
Fərhad Feyzullayevdən 0,163 qram heroin götürülüb.
Məlumata görə, Fərhad Feyzullayev Elnurə Süleymanova ilə sevgili olublar. Onlar birlikdə yaşayıblar və soyğunçuluq cinayətini də birgə planlaşdırıblar.
Belə ki, Elnurə Süleymanova küçədən keçən qadınlara yaxınlaşaraq bir bəhanə ilə söz soruşur. Bu zaman həmin qadının başı qarışır və Fərhad Feyzullayev qadının əlindəki çantanı alaraq qaçır.
Onlar Rahibə Əliyevaya qarşı da eyni usulla cinayət törədiblər.
Fərhad və Elnurənin başqa cinayətlərdə əli olub-olmaması araşdırılır.
Faktla bağlı cinayət işi başlanıb.
Geri dön