"Bəzi yollarda buzlaşma qeydə alınıb" - Azəravtoyol
9-12-2016, 11:36. Yazar: Xeberaz
"Azəravtoyol" ASC-nin Bakı şəhərində balansında olan küçə və prospektlərdə, respublikanın avtomobil yollarında nəqliyyat vasitələrinin hərəkətində hər-hansı bir problem müşahidə olunmur. Bunu "APA-Economics"ə açıqlamasında "Azəravtoyol" ASC-nin Mətbuat katibliyinin rəisi Anar Nəcəfli bildirib.
A. Nəcəflinin sözlərinə görə, gecə və səhər saatlarında Bakı şəhərinin bəzi ərazilərində, o cümlədən respublikanın dağlıq ərazilərdən keçən avtomobil yollarında buzlaşma qeydə alınıb: "Nəticədə hərəkətdə müəyyən çətinliklər yaşanırdı. Lakin ərazilərə cəlb olunmuş maşın-mexanizmlər vasitəsi ilə yollara duz-qum qarışı səpilərək rahat və maneəsiz hərəkət təmin olunub. Lakin bəzi sürücülərin yollara nasaz avtomobillərlə çıxması, nəqliyyat vasitəsini mövsümə uyğun olmayan şinlərlə idarə etməsi nəticəsində sözügedən avtomobillərin hərəkətində problemlər yaradıb".
Geri dön