Ana Sayfa > Karusel / Gündəm / Bizim seçim > Ginnesin rekordlar kitabına düşən Bakı – Faciəsi

Ginnesin rekordlar kitabına düşən Bakı – Faciəsi


28-10-2016, 15:24. Yazar: Xeberaz
Ginnesin rekordlar kitabına düşən Bakı – Faciəsi


1995-ci ilin 28 oktyabrında Bakı Metropolitenində tarixin ən böyük faciəsi baş verib.

"Xəbəraz.az " bildirir ki, "Ulduz" və "Nərimanov" stansiyaları arasındakı tuneldə qatarın alışması nəticəsində 289 nəfər həlak olmuş, 270 nəfər yaralanmışdı. Qəzanın əsas səbəbi kimi də köhnə avadanlıqlarla təchiz olunan qatarın nasazlığı, habelə maşinistin səhv qərar verməsi göstərilib.

Uzun müddət məsələni araşdıran istintaq qrupu qəzanın baş verməsinin terror aktı olduğunu istisna edib. Qəzanın sırf səhlənkarlıqdan baş verdiyi açıqlanıb. Maşinist qatarı tuneldə saxlayıb, insanlar isə təşviş içində vaqonlardan çıxıb qaçmağa başlayıblar. Havaçəkmə sistemi pis olduğundan tuneldəkilər hava çatışmazlığından və ayaq altında qalaraq ölüblər.

Prezident Heydər Əliyevin sərəncamı ilə ölkədə 3 gün matəm elan edilib. Dünya ölkələrindəki heç bir metropolitendə indiyədək bu qədər geniş miqyaslı itki ilə nəticələnən qəza olmadığına görə, Bakı metrosundakı 28 oktyabr qəzası Ginnesin rekordlar kitabına düşüb.
Geri dön