Ana Sayfa > Karusel / Gündəm / Hadisə / M2 > Lerikdə dağ uçqunu: 150-dən çox maşın yolda qalıb
Lerikdə dağ uçqunu: 150-dən çox maşın yolda qalıb28-10-2016, 14:18. Yazar: Xeberaz |
Lerik rayonunda dağ uçqunu baş verib, yol kəsilib. "Xəbəraz.az "-ın Report-a istinadən məlumatına görə, hadisə Lerik-Qosmalian-Kəlvəz avtomobil yolunun 10-cu kilometrliyində "Dağlar qapısı" deyilən ərazidə baş verib. Yolun hərəkət istiqamətinin təxminən 50 metr məsafəsi böyük qaya parçaları ilə örtülüb. Xoşbəxtlikdən uçqun zamanı xəsarət alan olmayıb. Ancaq hərəkət dayanıb və 150-dən artıq avtomobil yolda qalıb. Lerik rayon fövqəladə hallar komissiyasının sədri Habil Məlikov əraziyə yol-istismar idarəsinin texnikaları və canlı qüvvəsinin səfərbər olunduğunu bildirib. O qeyd edib ki, bu yol rayon mərkəzi ilə 50 yaşayış məntəqəsini birləşdirən əsas yoldur. Geri dön |